Azərbaycan dili
Çağrı Mərkəzi

Sığorta sektorunun inkişafı üçün anlaşma memorandumu imzalanıb

alarm Created with Sketch. 28-06-2019

Azərbaycan Respublikasının Nazirlər Kabinetinin qeyd olunan Sərəncamı ilə təsdiq edilmiş “Sığorta sektorunun inkişaf etdirilməsi üçün görülməli işlərlə bağlı Tədbirlər Planı”nın icrası məqsədilə Maliyyə Bazarlarına Nəzarət Palatası, Azərbaycan Respublikası Təhsil Nazirliyi, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi, İcbari Sığorta Bürosu və Azərbaycan Sığortaçılar Assosiasiyası arasında əməkdaşlığa dair birgə memorandum imzalanıb.

Memorandumu Maliyyə Bazarlarına Nəzarət Palatası İdarə Heyətinin üzvü vəzifəsini icra edən Asim Zülfüqarov, Təhsil nazirinin müavini İdris İsayev, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədr müavini Ceyhun Salmanov, Azərbaycan Sığortaçılar Assosiasiyasının sədri Azər Əliyev və İcbari Sığorta Bürosunun icraçı direktoru Rəşad Əhmədov imzalayıb.

Anlaşma memorandumu bu qurumların iştirakı ilə ölkədə sığorta sahəsi üzrə maarifləndirmə, təbliğat-təşviqat işlərinin aparılması və aidiyyəti qurumların İcbari Sığorta Bürosunun elektron informasiya sistemi ilə inteqrasiyasına dəstəyin verilməsi üzrə birgə tədbirlərin həyata keçirilməsini nəzərdə tutur.

Qeyd edək ki, memorandum iyunun 28-də Bakıda keçirilən IX Beynəlxalq Sığorta Forumu çərçivəsində imzalanıb.